Katibu mkuu ofisi ya Rais Ikulu Peter Ilomo (katikati walioketi) akiwa kwenye picha ya pamoja na washiriki wa mkutano wa kazi kutoka Halmashauri za mkoa wa Njombe.
Wakazi katika Halmashauri 13 za Mikoa ya Njombe na Arusha Wanaanza Kunufaika na Mradi wa
Kupunguza Umaskini kupitia Mfuko wa Maendeleo ya Jamii-TASAF utakaogharimu kiasi cha dola za
kimarekani milioni kumi na sita nukta nne kwa ufadhili wa OPEC awamu ya tatu.
Kaul Hiyo imetolewa Leo na Katibu Mkuu ofisi ya rais Ikulu bwana Peter Ilomo Wakati akizindua
rasmi utekelezaji wa mpango huo wa OPEC awamu ya tatu mjini Njombe na kuhudhuriwa na Wakuu wa
wilaya, wenyeviti wa halmashauri, wakurugenzi watendaji, wakuu wa Idara na watendaji wa TASAF
ambao watapata fursa ya kujengewa uwezo juu ya
utekelezaji wa mpango huo kwa muda wa siku mbili.
Kaya zitakazonufaika na miradi hiyo ni zile zilizobainishwa na kuandikishwa kwenye Mpango wa
Kunusuru Kaya Maskini katika Halmashauri zote za mkoa wa Njombe na Arusha.
Ilomo amesema kuwa mradi huo utatekelezwa kwa muda wa miaka mitatu pekee hivyo unapaswa
utekelezwe kwa kasi na umakini mkubwa ili kuhakikisha fedha hizo zinatumika kwa malengo
yaliyokusudiwa.
Pamoja na mambo mengine,mkurugenzi mtendaji wa TASAF bw.Ladislaus Mwamanga pia ametumia fursa
hiyo kuwaonya watendaji watakaofanya kazi ya kuzibaini kaya masikini hususani katika maeneo
ambayo hayajafikiwa kuacha kuwaweka watu ambao watakuwa hawana sifa kwa kuwa tu ni ndugu,rafiki
au jamaa zao jambo ambalo halitofumbiwa macho hata kidogo.
Bw. Mwamanga amezitaja baadhi ya changamoto ambazo zinachangia kuwepo kwa malalamiko miongoni
mwa wananchi kuwa ni pamoja na kuchelewa kuanza kwa mradi huo hususani kwa kaya ambazo
zimeshafikiwa.
Miongoni mwa mambo yatakayofanyika katika miradi hiyo ni pamoja na kutoa ajira za muda mfupi
kwa walengwa,kuanzisha miradi endelevu ya ujasiliamal Pamoja na miradi ya elimu ya afya katika
jamii ambayo itatoa fursa ya kujiongezea kipato kwa wanufaika hao.
Hata hivyo jumla ya wakazi milioni 3.1 watanufaika na miradi hiyo mara baada ya kutambuliwa
kupitia mradi huo wa Awamu ya tatu katika mikoa hiyo miwili.