Kamanda wa Jeshi la Polisi Mkoani Njombe SACP Fulgency Ngonyani Amethibitisha Kutokea Kwa Mauaji HayoNa Edina Ngavatula Njombe
Jeshi la Polisi Mkoani Njombe Limethibitisha Kutokea Kwa Kifo cha Costatino Herman Mayemba Mwenye Umri Wa Miaka 62 Mkazi Wa Kijiji Cha Ngalanga Kata ya Uwemba Wilayani Njombe
Kwa Mujibu wa Taarifa Iliyosainiwa na Kamanda wa Jeshi la Polisi Mkoa wa Njombe SACP Fulgency Ngonyani Imeeleza Kuwa Tukio Hilo Limetokea Machi 31 Mwaka Huu Majira Ya Saa 1:00 Jioni Huko Katika Kijiji cha Ngalanga Baada ya Mtu/Watu Wasiojulikana Kuingia Ndani Ya Nyumba Yake na Kumuuwa Kwa Kumkata na Kitu Chenye Ncha Kali Sehemu za Kichwani.
Taarifa Hiyo Imefafanua Kuwa Marehemu Alikutwa Chumbani Kwake Akiwa Ameuawa Wakati Familia Yake Ikiwa Shambani.
Aidha Taarifa Hiyo Imesema Kuwa Hakuna Mtu/Watu Wanaoshikiliwa na Jeshi Hilo Kwa Kuhusika na Tukio Hilo na Kwamba Jeshi la Polisi Linaendelea na Uchunguzi wa
Mauaji Hayo.
Pamoja na Mambo Mengine Wito Umetolewa Kwa Watu Wenye Taarifa ya Waliohusika na Tukio Hilo Ili Waweze Kukamatwa na Kufikishwa Kwenye Vyombo Vya Sheria.